يا إبني امتحاناتك قربت وقدامك طريقين:
يا بتنجح يا بتسقط
اذا نجحت خير وبركه
اما اذا سقطت فقدامك طريقين:
يا بتصيع بالشوارع او بيشحطوك ع العسكرية
اذا صعت مو مشكلة
اما اذا شحطوك ع العسكريه فعندك خيارين:
يا بفرزوك عالدفاع المدني أو بالصاعقة
اذا فرزوك بالدفاع المدني بيكون الله بيحبك
اما اذا فرزوك عالصاعقة فقدامك خيارين:
يا بيحطوك بالقوات الاحتياطيه او على الجبهة
القوات الاحتياطيه ممتازة كتير
اما اذا حطوك على الجبهه فعندك احتمالين:
يا بترجع بالسلامه أو بتصيبك شي قذيفة
اذا رجعت سليم، احمد ربك ع السلامة
اما اذا ضربتك قذيفه فقدامك حالتين:
يا بتطيب يا بتموت
اذا طبت بيكون ال له كاتبلك عمر جديد
اما اذا مت فقدامك طريقين:
يا بتاكلك الكلاب يا أما بتعفن
اذا اكلتك الكلاب مو مشكلة
اما اذا عفنت فقدامك طريقين:
يا بياكلك الدود يا بتتحول لنفط
اذا أكلك الدود منيح كتير
أما إذا تحولت لنفط فقدامك طريقين:
يا بيصدّروك نفط خام أو رح يكرروك في مصفاية للنفط
اذا صدروك خير وبركة
اما اذا كرروك فقدامك طريقين:
يا بيحولوك لزيوت ثانوية او لمواد تنظيف
اذا صرت زيت شي منيح
اما اذا حولوك مواد تنظيف فقدامك طريقين:
يا بتصير صابون او بتصير ورق تواليت
اذا صرت صابون خير وبركة
اما اذا صرت ورق تواليت
والله يا إبني راح تاكل تبن ....... عالمزبوط !!
الأحد فبراير 20, 2011 8:49 pm
